حكايات اسما السيد 1

رجعت شقتي الصغيرة مع طلوع الفجر، الشقة اللي كنت بحس فيها بالضيق والخنقة من يوم ما اتنقلت ليها. بس الليلة دي، حسيت لأول مرة إن الجدران دي مش سجــ,,ـــــن… دي كانت نقطة مراقبة. قعدت على طرف السر,,ـــــير، وبدأت أسترجع كل كلمة اتقالت في العربية حرفياً. طلعت كشكول قديم وقلم، وبدأت أكتب: * "الحساب اللي بره آمن." * "اسمها ما اتمسحش رسميًا… خليناه يختفي وسط الورق." * "المعروف اللي عملته وقتها خلّص كل حاجة.

بس الليلة دي، حسيت لأول مرة إن الجدران دي مش سجــ,,ـــــن… دي كانت نقطة مراقبة. قعدت على طرف السر,,ـــــير، وبدأت أسترجع كل كلمة اتقالت في العربية حرفياً. طلعت كشكول قديم وقلم، وبدأت أكتب: * "الحساب اللي بره آمن." * "اسمها ما اتمسحش رسميًا… خليناه يختفي وسط الورق." * "المعروف اللي عملته وقتها خلّص كل حاجة."الكلمات دي ماكنتش بتدل على خيانة زوجية عادية، دي كانت جريمة كاملة مدروسة.

كريم كان شغال مدير مالي في شركة استيراد وتصدير كبيرة، وطول سنين جوازنا كان هو اللي بيتحكم في كل الورق، والتوكيلات، والحسابات البنكية المشتركة. كان دايماً يخليني أوقع على أوراق بنكية ويقولي: "دي أوراق تجديد وديعة يا ريم… دي أوراق تأسيس الشركة اللي بنحلم بيها… إنتي متشيليش هم الحسابات وسيبيلي الإدارة." وأنا، بدافع الحب والغباء اللي بيسموه ثقة، كنت بمضي وأنا مغمضة.

الساعة كانت تمانية الصبح لما قررت إني مش هنام. غيرت هدومي ولبست لبس رسمي بسيط، وحطيت نضارة شمس تخفي وشي، وطلعت على بنك من البنوك الكبيرة اللي كان لينا فيها حساب مشترك زمان، الحساب اللي المحامي بتاعه قال في المحكمة إنه اتصفر بسبب خساير الديون. قابلت موظف خدمة العملاء، وطلعت بطاقتي وطلبت كشف حساب شامل وتاريخي لكل المعاملات اللي تمت باسمي أو بالرقم القومي بتاعي في آخر خمس سنين، مش بس الحساب ده، لكن أي حسابات تانية مربوطة باسمي في كل الفروع.

الموظف أخد البطاقة، وبدأ يكتب على الكيبورد ببرود. فجأة، حركته وقفت. بص في الشاشة، وبعدين بص في وشي، ورجع بص في الشاشة تاني بتركيز غريب.— حضرتك مدام ريم ناصر عبد الرحمن؟— أيوه، أنا.— ثواني يا فندم، هبلغ مدير الفرع. المدير؟ قلبي كان هيقف. دخل الموظف أوضة المدير، وبعد دقيقتين خرج وقالي:— اتفضلي معايا جوه يا فندم.

دخلت المكتب المقفول، والمدير كان راجل في الخمسينات من عمره، بصلي باهتمام وقال بعد ما رحب بيا:— مدام ريم، إنتي عارفة إن الحساب الاستثماري المشترك اللي مفتوح باسمك وباسم الأستاذ كريم الألفي كان عليه حركة تحويلات وتجميد من سنة تقريباً؟— تجميد؟ — الحساب ده اتحول منه مبالغ ضخمة بالعملة الصعبة لبنك خارجي في دبي قبل سنة، وبعدها اتعمل عليه طلب إغلاق وتنازل من طرفك بموجب توكيل رسمي عام، لكن التنازل اترفض إدارياً بسبب نقص توقيع معين، وفضل الحساب معلق في السيستم باسمك، وعليه التزامات ضريبية ومطالبات قانونية إنتي متسجلة فيها كشريك متضامن أول!

الكلمات نزلت عليا زي الصاعقة. كريم مش بس سرق فلوسي وسربها لحسابات بره، ده ورطني رسمياً في التزامات قانونية وديون وهمية علشان يلوي دراعي في المحكمة ومطالبش بحقوقي، وعلشان كده كنت مديونة بملايين وأنا مش دارية، في حين إن الفلوس الحقيقية محطوطة بره باسمه وبمساعدتها هي! سألت المدير بصوت حاولت أخليه ثابت:— ومين الشخص التاني اللي كان مقدم أوراق التحويل؟— المحامي بتاعه، وفيه مستندات فيها اسم أستاذة داليا كشاهد ومفوض إداري بالاستلام.