حكايات اسما السيد 2

! مبتردش ليه من الصبح؟ أنا وصلت الشقة ولقيت البواب بيقولي إن فيه اتنين شكلهم غريب كانوا بيسألوا عنك وعن عربيتك العصر! قولتلك من الأول الغبية دي مش هتسكت، وأنت قعدت تقولي عاطفية وهتنسى ومش فاهمة حاجة!كريم بلع ريقه بصوت مسموع، وحاول يطلع نبرة صوته طبيعية، لكن الخوف كان فاضحه:— داليا… اهدي بس، اتنين مين؟ أنتي متأكدة؟

كريم بلع ريقه بصوت مسموع، وحاول يطلع نبرة صوته طبيعية، لكن الخوف كان فاضحه:— داليا… اهدي بس، اتنين مين؟ أنتي متأكدة؟صرخت فيه بنبرة هستيرية كشفت الوش الحقيقي:— متأكدة ونص! أشكالهم مباحث أو تحريات أموال عامة، أنا عارفاهم كويس! اسمعني كويس يا كريم، الشيكات والورق اللي معايا مش هيفضلوا في الخزنة هنا، أنا نازلة بيهم دلوقتي ورايحة على المطار، حجزت على أول طيارة لبيروت ومنها لدبي، وأنت تصرف مع مصيبتك!

الحساب اللي بره نصيبي فيه مضمون، ولو حاولت تلعب بديلك أو تتهرب، أقسم بالله الورق الأصلي اللي يوديك في ستين داهية هيكون على مكتب رئيس النيابة الصبح قبل ما طيارتي تلمس الأرض!كريم اتجمد مكانه، وعينيه جحظت من الصدمة. الراجل اللي ضحى بـ 12 سنة جواز وخسر مراته ودمر بيتها علشانها، كان بيسمعها دلوقتي وهي بترميه للكلاب في أول اختبار حقيقي، وبتستعد تهرب بالملايين وتسيبه يشيل الليلة لوحده.

بصيتله في المراية وابتسمت ابتسامة سخرية، وهمستله بشفايفي من غير صوت: "رد عليها". كريم اتكلم وصوته مشروخ:— داليا… أنتي بتهدديني؟ إحنا متفقين على كل حاجة، والفلوس اللي بره دي شقانا وتعبنا…قاطعته بقسوة تامة:— شقاك أنت لوحدك يا حبيبي! أنا اللي خططت، وأنا اللي زورت التوقيع المرفوض، وأنا اللي خليت المحامي يماطل في إعلام الوراثة وإشهار الطلاق، وأنا اللي خليتك تلبسها هي الديون!

متعملش فيها الشريك الوفي دلوقتي، أنا أمنت نفسي، والشنطة في إيدي والتاكسي مستنيني تحت… سلام يا كريم! الخط قطع. الصمت اللي نزل على العربية بعد المكالمة كان تقيل زي الحجر. كريم فضل باصص للتليفون في إيده بذهول تام، وشه بقى بلون الجير، وأسنانه كانت بتصطك ببعضها من القهر والغدر اللي شربه من نفس الكاس اللي سقاهولي. رفع راسه وبصلي، والدموع نزلت من عينيه، دموع ذل وضعف:— شوفتي؟

شوفتي الست اللي بعتك علشانها كانت هتعمل فيا إيه؟ دي… دي شيطانة! دي بتسرقني وبتبيعني في ثانية!دورت المــ,,ـــــوتور ودخلت غيار ببرود تام، وبصيت للطريق:— مش شيطانة يا كريم… دي تلميذتك، وأنت اللي علمتها إن مفيش حاجة اسمها أمانة ولا عشرة، طبيعي أول ما تحس بالخطر تضحي بيك. بس السؤال دلوقتي: هتسيبها تطلع المطار بالورق والفلوس وتسيبك إنت هنا للحبس والبهدلة؟

كريم فاق من صدمته فجأة، واتحول لواحد مجنون، مسك في ضهر كرسيي برجاء هستيري:— لأ! مستحيل! الورق ده لو خرج برا البلد أنا ضعت، والفلوس دي لو دخلت حسابها الشخصي في دبي مش هشوف منها مليم! ريم… أرجوكي، إحنا على بعد عشر دقايق من الكمبوند، اطلعي بالعربية وراها، الحقيها قبل ما تركب طريق السويس أو المطار! والله العظيم هكتبلك كل حاجة، هعملك تنازل فوري عن كل قرش، والشيكات والورق الأصلي هيكون في إيدك إنتي!