حكايات اسما السيد 2

! إنت فاكرها هترجعلك أو هتسيبك تفلت؟! ريم هي اللي ركبتك عربيتها، وهي اللي ساقتك لحد هنا علشان تخلص مننا إحنا الاتنين بضــ,,ـــــربة واحدة!في اللحظة دي بالظبط، صرخات سارينات البوليس شقت سكون الليل. نور أحمر وأزرق لف الشارع من أوله لآخره، وتلات عربيات شرطة تابعة لمباحث الأموال العامة قطعت الطريق من قدام ومن ورا، وقفلت الميدان بالكامل. كريم اتجمد مكانه، والشنطة وقعت من إيده في الطين من تاني.

بصلي وعينيه مكسورة، خالية من أي أمل:— ريم... أنتي... أنتي طلبتي الشرطة؟! قربت منه خطوة واحدة، وصوتي كان أهدى من نسمة الفجر، وأقسى من أي سكــ,,ـــــين:— كريم... أنا مببيعش ضميري، ومبقبلش مساومات مع حرامية. أما كريم، فكان مستسلم تماماً، وشه في الأرض، ولما الظابط حط الكلبش في إيده، رفع عينه ليا للمرة الأخيرة وقال بصوت مكسور ومخنوق:— 12 سنة يا ريم... متفتكريش ليا فيهم يوم واحد حلو يخليكي ترحميني؟

بصيت في عينيه وقلتله:— الـ 12 سنة دول ماتوا الليلة اللي رميتلي فيها ميتين جنيه وقلتلي "خلي الباقي معاكي". .. افتكرت جملتك؟ "ريم عاطفية زيادة عن اللزوم وعمرها ما هتواجهنا"؟ ريم القديمة ماتت في ليلة طلاقها يا كريم... واللي قدامك دلوقتي هي اللي أخدت حقها بالقانون وبكرامتها. ركبوهم في بوكس الشرطة، والظابط المسؤول جه وقف جنبي، أداني كارت النيابة وقالي باحترام:— مدام ريم، بكرة الساعة عشرة الصبح حضرتك مطلوبة لسماع أقوالك كشاكية ومجني عليها، وبموجب الورق اللي اتحرز دلوقتي، كل إجراءات الحجز على حساباتك هتتلغي، والتحويلات اللي خرجت لدبي هترجع كاملة بحكم قضائي مستعجل خلال أيام، وكل مليم ليكي هيرجع في حسابك.

ابتسمت وهزيت راسي:— شكراً يا فندم. مشي الموكب كله، واختفت أصوات السارينات والأنوار تدريجياً، لحد ما رجع الشارع لهدوءه الطبيعي، والمطر بدأ يخف ويتحول لرذاذ ناعم. رجعت ركبت عربيتي. قعدت ورا الدركسيون، أخدت نفس عميق حسيت بيه لأول مرة من سنين بيدخل صدـ,,ـــري نقي، مفيش فيه خوف، ولا قهر، ولا ذل.

مديت إيدي لدرج التابلوه، طلعت ورقة الميتين جنيه اللي كانت سبب بداية الخيط. بصيتلها للحظة، وبعدين فردتها وحطيتها في محفظتي. شغلت المــ,,ـــــوتور، وفتحت الشباك علشان الهوا البارد يلمس وشي، والصبح بدأ ينشق بنور أبيض صافي في أفق القاهرة. بصيت في مراية الصالون، شوفت ريم... القوية، اللي مش مكسورة، واللي جاهزة تبدأ حياتها الحقيقية من النهاردة. دوست بنزين، وانطلقت في طريقي للبيت.